271 Chronica der Marck Brandenburg/

verkauffet/ die jhm Salomon mit eitel newen Berliniſchen Pfennigen bezahlet/ welche er von jhm empfangen/ vnd zu ſeinem gefallen widerumb außgegeben hette. Hat auch ſonderlichen bekandt/ ſo bald er die eine Hoſtien in feinen mund genoſſſen/ vñ vernuͤ­tze/ welches im Felde bey dem Dorff Stacken/ eine halbe meilweges von Spandaw/ geſchehen) da fen es alles vmb jhn her gantz tunckel vnd finſter worden/ alſo daß er bey einer ſtunden von der ſtaͤdte nicht habe kommen muͤgen.

Solche vor angezeigte begangene that/ indicia vnd cenfeſziones, vnd ſonderlich wſe Salomon Jude die eine Hoſtien zu ſich gefaufft vor neun Maͤrckiſchen Groſchen/ iſt abermal an hochgemelten Churfuͤrſten zu Brandenburg/ durch ein offenbar geruͤchte vñ andere glaubwirdige Leute gelanget/ darauff denn jhre Churf. Gnaden, aus ſonder ſſcher liebe/ ſo jhre Churf. Gnaden zu Gott vnd dem Hochwirdigen heiligen Sacrament ge­habt/ gedachten Salomon Juden gen Berlin hat bringen/ vnd jhn vnnd Paul Froh­men gegen einander verhoren laſſen. Da haben fie alle jhre begangene vbelthaten be­kandt ein jeglicher infonderheit als Salomon Jude/ daß er die eine Hoftien/ am Don­nerſtag nach Mariæ Liechtmeſſen/ gekaufft/ vnnd jhm dafuͤr nein groſchen an Berlini­ſchen PfeVnnigen bezahlet hette/ vnd das Paul Frohm die confecrirte Hoſtſen in einem kleinen Meſſingen Bůchßlein zu jhm gebracht/ vnnd jhm die Hoſtien aus dem Buchß­lein oberantwortet/ aber das Buͤchßlein bey ſich behalten hette. Es hat auch Salomon Jude weiter bekandt, wie er die Hoſtien vor ſich auff ein Tiſchtuch geleget/ mit Meſſern darein gehawen vnnd geſtochen/ auch mit laͤſterlichen worten gefluchet vnd geſchmehet/ vnnd wie wol er durch viel arbeit die Hoſtien feines gefallens nicht habe zerbrechen mo­gen ſo fen fie doch in dem letzten ſtich in ſtüͤcklein voneinander geſprungen: Vnnd als er ſolches geſehen/ fen er hertzlich erſchrocken vnd bekuͤmmert worden/ vnd habe ſſch vnter­ſtanden eine partickel zuuernützen/ aber weil jhm ſolches vnmüglich geweſen/ habe er aus weiterm bedencken zwey partickel genommen/ vnnd jedes in ein blechen Büch lein eines daumens lang geleget/ das Buͤchßlein mit einem liedern Beutel vberzogen/ vnd verpit­ſchieret/ nd die eine partickel Jacob Juden mit Schmoll feinem Sohn gen Branden­burg/ die andere aber auch alſo verwaret durch einen/ Salomon Hellen genandt/ Mar Juden gen Stendal in der alten Marck geſchickt.

Durch diß bekendtnuͤß deß Salomon Jůdens iſt der Churfuͤrſt verur ſachet wor­den/ alle Juden in feinen Landen vnnd Städten anzunemen/ vnd biß zu ferner erkundi­gung der ſchuldigen gefaͤnglichen zuenthalten vnd wol zuuerwaren: Welches auch als ſo geſchehen.

Weiter hat Salomon Inde bekant/ daß er die dritte Partickel die er nicht hat ver­nützen konnen/ nirgends habe verwahren mogen/ dieweil er in ſorgen geſtanden/ vnd ge­dacht/ ob er fie gleich in ein fewer wuͤrffe/ daß ſie doch wider daraus průnge/ oder in ein Waſſer,/ das fie doch aufffehwimme/ dadurch denn hernachmal feine begangene miſſe­that möchte an den tag kommen. Der wegen fo habe er endlich die ſelbe Partickel in einen reinen Weitzenteig mit klarem Waſſer gedruckt/ aber fo balde das geſchehen/ ſey der Teig roth worden deſſen er aber mal zum hefftigſten erſchrocken. Habe aber nichts des ſto weniger cinen Kuchen daraus gemacht/ denſelben in einen Backefen/ darinn kein Fewer noch Kolen geweſen/ nach allen andern Kuchen geſcheben/ vnd habe darauff im Ofen einen gar ſchoͤnen hellen glang/ vnd ſonderlich vber denſelbigen Kuchen zu zweyen mahlen ein ſeuberliches kleines Kindelein ſchweben ſehen. Darımb er denn ſolchen Kuchen ſonderlich wol ver wahret/ in die Synagog gehangen/ der auch an demſelben ort/ wie er angezeiget/ alſo befunden worden.;

Mitlerweil hat der Chur vnd Landesfuͤrſt Yacob Juden/ vnd Schmol feinen Son/ vnd Sloman jhren Rabbi/ von Brandenburg holen laſſen. Als aber Jacob Inde in der alten Stadt Brandenburg angenommen/ vnd im Gefengnlß vber Nacht geſeſſen/ hat er deß nechſten tages hernach zu Martin Bellin/ dem Bůrgermeiſter derſelben Stadt/ geſchickt/ vnd jhn vmb Gottes vnd Marien willen bitten laſſen/ daß. zu jhm

kommen