283 Chronita der Marck Brandenburg/

Stadt auch den Marggraffen zu Brandenburg gehoͤret) ziehen/ vnnd daß fie jhre gef braͤuchliche Cæremonien vnd Leges eben ſo halten vnnd gebrauchen ſolten/ als zu Franckfurt. Marchia& Breuiarium Autoris, luſtus,& c.

Es hat aber dieſe Peſtilentz zu Franckfurt geweret von Bartholoma i an biß auff Reminiſcere in der Faſten des folgenden Jahres/ wie Juſtus in der Franckfurtiſchen Chronicken meldet.

Im ſelben jyj6. Jahr iſt die Kirche am Barfuſſer Cloſter zu Franckfurt an der Vder angefangen zubawen,/ durch der Moͤnche ſelbſt eigen vnkoſten/ darüber Bruder Andreas Lange fuͤrnembſter Bawmeiſter geweſen. Juſtus.

Item/ in dieſem Jahr/ auff den ſechſten tag deß Hewmonats/ if geborn D. Gua­rus Wigandus Guarinus/ welcher viel Jahrlang des Herrn Johannis/ Marggraf­fen von Brandenburg/ der zu Cůuͤſtrin Hoff gehalten/ Leibartzt hernachmals geweſen iſt. Bucholeerus.

Im tauſend fünff hundert vnd ſiebenzehenden Jahr/ am Freytage nach Matthĩæ Apoſtoli haben die Calandsbruͤder zu Pritzerwe/ ſo das Lehen vber das Altar S. Eliſa­beth zu Rathenaw gehabt/ dazu das Dorff Mogelin gehöͤret/ gemeltes Dorff(well fie es nicht wol/ ſonderlich der Gerichte vnd Dienſte halben/ zuſchützen vnd zuhandhaben gewuſt/ als es der armen Vnterthanen notturfft wol erfoͤrdert hette) mit allen Ge­richt vnd Gerechtikeiten dem Herrn Hieronymo Schulteto/ Biſchoffen zu Branden­burg/ auffm Schloſſe zu Zyeſer/ zugeſtalt/ vbergeben vnd abgetreten. Babey ſind ges weſrn Herr Bertram von Bredaw/ Altariſt S. Eliſabeth in der Kirchen zu Rathe­naw/ Joachim Thammecker, Thumbherr vnd Pfarrherr in der newen Stadt Bran­denburg/ tte. Johan Huber/ Clemens Syuert/ Pfarrherr zu groſſen Wuͤſterwitz/ An­dreas Großke/ Altariſt zu Pritzerwe/ vnd Camerarius der Calandsbruͤder/ wegen Reis chart Pluͤges/ des pfarrherrn zu Pritzerwe.

Hiſtoria hon Tetzel/ vnd deſſen Ablaskraͤmerey in die ſen Landen.

. Albrecht von Brand. Churf Johannis Sohn/ ond

Joachimi des erſten Bruder war nit allein zum Ernbiſchoff zu Magd. vnd Biſ. zu Halberſtadt/ ſondern auch zum Churf. vnd Ertzbiſ zu Meing elegiret vnd angenom­men/ auff ſonderliche befoͤrderung Kaͤyſ. Manimlliani des erſten/ bey dem er in groſſen gnaden war. Nu hats aber der Bapſts zu Rom alſo geordnet/ daß ein jeder Ertzbiſchoff wenn er zu ſolchem Ampt ele giret vnd angenommen worden/ das Pallium zu Rom ent­weder ſelbſt/ oder durch feine Anwalden holen mus/ welches ſonder zweiffel ſo viel bedeu­tet/ als die Confirmation, ſintemal ohne das fein Ertzbiſchoff lich Ampt nicht kraͤfflig noch vollkommen gehalten wird. Derwegen ſo hat nu Marggraff Albrecht/ wie er zu einem Ertzbiſchoff zu Meintz erwehlet worden, ſolch Pallium auff feine eigene vnkoſten auch loͤſen ſollen. Weil aber drey Ertzbiſchoffe zu Meintz kurtz nacheinander mit tode abgangen/ vnd ein jeder das Pallium quffs newe hat holen muͤſſen/ vnd das Stffft da­durch in groſſen abnemen kommen/ alſo/ das es ſolche vnkoſten nicht mehr/ oder ja gar ſchwerlich hat ertragen konnen) denn man faget/ daß das Palljum inn die dreyſſig tauſend guͤlden koſtet/ ehe mans erlanget) fo haben die Kauffleute von Augßburg ſolch Geld außgelichen/ vnd dem Marggraffen vnd dem Ertzſtifft Meintz vorgeſtreckt. Damit nu gedachte Kauff leute möchten wider bezahlet werden/ iſt dem Ertzbiſchoff/ auff bittliches anſuchen/ vom Bapſt erleubet vnd zugelaſſen worden/ daß er die kraͤmerey mit dem Ablaß fuͤrnemen/ vnd denſelben vmbs geld außtheilen vnd verkauffen möchte. Doch der geſtalt vnd meynung/ das man den halben heil alles geldes gen Rom zum Gebaͤw deß Muͤnſters zu S. Peter vberantworten ſolte. Der Ertzbiſ hat auch laſſen ein Bůͤch­lein außgehen/ mit feinem Wapen forne an/ dar innen den Ablaßkraͤmern befohlen wor­den/ daß fie die Krafft deß Ablaß dem Volck mit allem fleiß rühmen vnd predigen ſolten.

Zu