289. ghronica der Narck Brandenburg/
weil ſonderlich der Marckt für der thur war/ vnd ward alſo eine treffliche groſſe Summa Geldes zuſammen gebracht.;
Die weil denn nu der vnuerſchampte Lecker mit ſolcher grewlichen Gottesleſterung alle Welt bezaubern/ vnd mit feinen lügen viel mehr/ da fie doch zuuor mehr als zu viel/ betrogen war/ verführen wolte: So erweckte Gott{einen außerwehlten Ruſtzeug/ Doctorem Martinum Lutherum, Profeſſorem Theologiæ in der Vniuerſitet zu Wſttenberg/ dieſe Luͤgen zu widerlegen/ vnd aus Gottes Wort die Lehr von Gottes Gnade vnd Barmhertzigkeit/ den rechten Ablas oder Vergebung der Suͤnden/ vnd andere Ars tickel der Chriſt lichen Religion/ die damals ſehr verfinſtert waren/ recht zu erkleren.
Der elbe Doctor Luther/ als er des Tetzels vnuerſchampte lügen innen ward/ kund er damit in keinem wege zu frieden ſein/ ſondern hub an/ vnd warnete feine Mitbruͤder im Kloſter zu Wittenberg dafür/ vnd lehrete fein beſcheidenlich/ es were viel beſſer/ nach des HERREN CHR befehl armen Leuten Almoſen zu geben/ denn ſolche vngewiſſe Gnad vmbs Geldt keuffen: Vnnd das derallein vor Gott gerecht wurde/ vnnd durch Chriſtum Vergebung der Sünden erlangete/ der ware Newe vnd Leid vber feine begangene Sünde hette/ vnd an Chriſtum glaͤubete. Vnd weil jhn Tetzel/ da er dis vernommen/ darumb geſchmehet vnd geſchendet/ jn auch/ als einen Ertzketzer verdampt iſt lutherus auffgetretten/ vnd hat Öffentlich dar wider geprediget/ doch nicht der Meynung/ das er das Bapſthumb gantz vnd gar vmbſtoſſen vnd verwerffen wolte(denn er dazumal noch ein Papiſt/ vnd es jhm vmb des Romiſchen Haͤupts Reputation vnd Hoheit zu thun war) ſondern das man nur beſcheidener dauon reden/ vnnd damit vmbgehen ſolte/ auff das das gemeine Volck nicht fo einen falſchen Verſtand/ Aberglauben r nnd Mißbrauch daraus ſchoͤpffete vnd machete das auch der groſſe Name Bapſtlicher Heiligkeit damit nicht verunehret wurde. Hat auch darauff an Marggraff Albrechten zu Brandenburg/ dem Ertz Siſchoffe zu Meint und Magdeburg etc, geſchrieben/ vnd jhn gebeten/ man wolte doch dem erger lichen Handel/ welchen Tetzel mit den Ablas brieffen triebe/ abhelffen. Weil er aber nichts damit hat außrichten koͤnnen/ hat er am Allerheiligen Abend/ an der Schlos Kirchen zu Wittenberg/ fuͤnff vnd neuntzig propofiriones ond Artickel angeſchlagen/ darin er vom Fegfewer/ von der rechten Chriſtlichen Buſſe/ von Ampt der Liebe/ vnd vom Ablas weitleufftig gehandelt/ vnnd der Ablaskramer vnmeßiges Weſen vnd Predigen hart angefochten hat. Lutherus/ Schleidanus/ Seidelnns/ Mattheſins/ Georgius Gloöccenis/ Leutingerus/ Winzenbergins/ etc.
Welter Bericht von Tetzel vnd feinen Sachen.
Mnachfolgenden tauſend fuͤnff hundert vnd achtzehenden Jahr nach Chriſti Geburt/ in vigilia Agneris» das iſt/ auff den zwantzi gſten Tag des Monats Januarij/ darauff ſaͤhrlich das Feſt Fabian vnd Sebaſtiani felt/ hat Tetzel ein Conuent der Moͤnche zu Franckfurt an der Oder angeſtelt/ vnd ſind dahin gekommen in die drey hundert beſchorne Moͤnche. Damals hat Tegel zu Franckfurt vnter feinem namen zweher le polit iones/ deren 5 6. geweſen/ wider Herren Lutherum laſſen ausgehen/ welche poſitiones Herr Conradus Wimping/ der Heiligen Schrifft Docter vnd Profeſſer zu Franckfurt/ in des Tetzels Namen/ weil er ein vngelehrter grober Eſel geweſen/ gemacht hatte. Von dieſen poſit ion bus hat nu zu der zeit Tegel zu Franckfurt mit feinen Mönchen diſputiret/ vnd iſt darüber vom Wimpina zum Doctor Theos Jogiz gemacht worden/ damit er ein deſto groͤſſer Anſehen bey den gemeinen Leuten haben möchte/ die mehr auff hohe Titel/ als auff Kunſt vnd Geſchickligkeit ſehen Juſtus/ Seidelius/ Leutingerus. Er hac lite(ſagt SRnrius Carthuſianus) ortum eſt illud iramane& horrendum incendium Lutheranum, quo tota penè Europa poftmodüm conflagrauit. Das iſt/
Als