184 Chronica der Marck Brandenburg/

DOE ß Montags nach S. Vrſulen tag/ hat ſich Herr Henning von Bredaw/ Biſchoff zu Brandenburg/ mit Diederichen von Quitzaw/ vnd andern aus der Marck/ vnterſtanden/ im Magdeburgiſchen Lande zu ſtreiffen. Vnd als jhnen die Magdebur­giſchen mit einem ſtarcken Heer/ bey dem Dorff Glynicke/ nahe bey Zyeſer/ begegnet/ vnd da feindlich vnd ernſtlich miteinander geſtritten/ haben endlich die Magdeburgiſchen den Maͤrckern den Ruͤcken zugewandt/ vnd die flucht genommen. Damals find der Magdeburgiſchen in die hundert gefangen/ vnd auff das Schloß Zyeſer gebracht wor­den. Damals iſt auch das Panier durch Henning Wintern erlanget vnd eroͤbert wor­den/ das in der Pfarrkirchen der Newen Stadt Brandenburg henget. Idem.

DArnach vmb Sanct Katharinen Tag/ iſt Marggraff Jodocus von der Bes lagerung deß Schloſſes Drewkom wider abgezogen, vnnd gen Berlin kommen/ durch welche Zukunfft die verſperreten Thor zu Brandenburg wider eröffnet worden. Idem.

ES iſt aber zur ſelben zeit gros jammer vnnd klagen der armen Leut in der Marck geweſen/ wegen der groſſen vnordnung vnd vnſicherhelt deß Landes/ dadurch der Marg­graff billig bewogen/ ſein armes Volck zubeſuchen.

DA er nun zum Berlin war/ vnd er ſich beklagete/ daß er Geldes zur Zehrung bes noͤtiget/ hat jhm Diedrich von Quitzaw eine Summa Geldes vorgeſtrackt vnd gelie­hen/ dafur jhm der Fuͤrſt die Stadt Rathenaw/ mit aller zugehsre/ eingeſatzt. Idem.

Zu mercken. Ce, haltens dafuͤr/ das gemelter Marggraff Jodocus/ auch

vmb dieſe zeit das Staͤdtlein alten Landßberg/ drey Meilen von Berlin gele gen/ gegen Nordoſt/ denen von Krummenſee verpfandet habe.

ANno Chriſti tauſend vier hundert vnd neun/ Sonnabends vor Eſto mihi, oder der Herrn Faſtnacht/ hat Marggraff Jodocus in der Mittelmarck groß Geld geſamlet/ vnnd ſolches auch folgend in der alten Marck thun wollen. Iſt derhalben von Berlin durch Brandenburg gen Tangermuͤnd an der Elbe gezogen/ vnd hat alle Städte vnnd die vom Adel der alten Marck verſamlet, vnd jnen vorgehalten/ ein jeglicher ſolte jhm von feinem Lehen eine ſtewer geben/ damit er die verſatzten Schloͤſſer widerumd loͤſen/ vnd etwas merckliches außrichten koͤndte. Er hat auch damals dem Raht der newen Stadt Brandenburg dritthalb hundert Schock Boͤhmiſcher Groſchen zugeben auffer­leget. Hierin haben jhm nu die Städte vnd der Adel gewilfahret/ vnd jhm eine ſtewer zugeſaget. Jedoch ſeind die Raͤhte/ der Staͤdte Brandenburg/ Brietzen vnd Belitz da­wider geweſen /in betrachtung/ daß vorerwehnter Marggraff vor ſechß jaren auch zu fol chem behuff einen groſſen Schatz in der gantzen Marck zuſammen gebracht/ daß er Schloͤſſer vnnd Staͤdte/ fo von der Marck verfaßt weren/ wider loͤſen wolte/ welches aber doch nicht geſchehen/ ſondern fo bald er das Geld bekommen/ were er damit in Maͤh­rern gezogen/ vnd hette das Land in jrrung vnnd beſchwerung gelaſſen. Endlich aber haben fie gleich wol geſchloſſen/ wo fie ſehen wurden/ daß man etwas mit ſolchem Gelde abloͤſete/ wolten fie williglich geben/ was jhnen aufferleget würde/ vnd ſie auch ertragen kuͤndten. Idem.|

Ach dem nun diß allerſeits alfo vorhergangen/ vnd gemelter Marggraff Jodocus von Tangermünde wider gen Berlin ankommen/ hat er aus geitz vnd begferde deß Gel­des/ Diedrichen von Quitzaw das Schloß Fryſack vor zwey tauſend Schock Boͤhmi­ſcher Groſchen erblich verkaufft/ welches Schloß zur ſelben zeit Baltzers von Schlie­ben/ eines ehrlichen getrewen vnd ſtreitbaren Ritters/ Kinder jnnen hatten/ vnd hat die­ſelbe Kinder mit zwey hundert Schock Boͤhmiſcher Groſchen abgewieſen/ das ander Geld zu ſich genommen/ vnd damit in Maͤhrland gezogen. Idem./

Hertzog Suuantiborus zu Stettin ond.Serr Caſpar Ganß/ edler Herr zu. Stadhaltere in der Marck.

Ehe