Das ander Buch.} 193

vor Plawe geruckt/ vnd hat die Mawren deß Schloſſes/ ſo vierzehen Schuch dicke ges weſen/ nidergeleget. Da diß ſahe Wichard von Rochaw/ vnd ſich befurchte/ es würde mit jhm auch nicht beſſer werden/ hat er fein Schloß vnd vaͤterlich erbtheil/ Herrn Ru­dolphen/ Hertzogen in Sachſen/ jhn die gnade deß Herrn Burggraffen vbergeben. Weil aber Wichard von Rochaw damals noch jung/ vnd von andern verfuͤhret war/ iſt er aus gnaden deß Herrn Burggraffen auff das Schloß Potſtamp geſetzt/ daß er vor vier hundert Schock Boͤhmiſcher Groſchen innen hielt. Wuͤſterwitzius.

Als nu Hans von Quitzaw vernam/ daß das Schloß Fryſack gewonnen vnd ein“ genommen/ vnd die dicke Mawren/ darauff feine zuuerſicht ſtund/ zuſchoſſen waren/ hat er am Montag nach Matthiæ/ mit feinem Bruder Henning/ einem Studenten von Pariß/ vnd einem Knechte/ Diedrich Schwalbe genand/ die flucht genommen/ vnnd vermeynet/ er wolte entrinnen. Aber die Bürger beyder Staͤdte Brandenb. die auff der andern ſeiten deß Schloſſes vber der Hauel mit jhren Buͤchſen hielten/ wurdens gewar/ daß ſich Hanß von Quitzaw mit dreyen Pferden dauon machte/ ſagtens auch eilends den Herrn an/ die jhin denn balde zu Roß vnd Fuß nachjagten. Hanß von Quitz aw roch den braten/ verließ ſeyn Roß/ vnd lieff in den Puſch/ in meynung/ ſich darinn zuuer­bergen. Herr Heinrichs von Schwartzburg/ der deß Ertzbiſchoffs zu Magdeburg Bru­der war/ Diener/ ſpüͤreten jhm nach/ namen jdn mit den andern beyden gefangen/ fuͤhre­ten ſie gen Plawen/ vnd ſatzten ſie in einen Stock. Hie durch ward Geberhard von Plote vnd Peter Kotze der Gefengnuͤß entlediget.

Die nun auff dem Schloſſe noch waren/ da ſie vermerckten/ daß ſie es in keinem wege erhalten kundten/ begerten ſie fried vnd ſicher geleit/ vnnd gaben ſich in deß Herrn Burggraffen gnade/mit dem gedinge, daß fie mit Lelb vnd gut frey vnd vngehindert Das uon abziehen möchten.

Es hat aber der Burggraff/ als er das Schloß einbekommen/ darinnen gefunden hundert ſeiten Specks/ ohn alle andere victualien an fleiſch/ wein/ bier/ meth. Wuͤſterw.

Wie nu diß Goßkinus Prederlaw/ Haͤuptman deß Schloſſes Beuten/ geſehen/ das Plawen gewonnen/ vnd Johan von Quitzaw gefangen were/ hat er balde dz Schloß Beuten Herrn Johan von Torgaw/ vnd Paul Möhring/ zu der zeit Haͤuptman zu Trebin/ auff gegeben/ doch auch alſo/ daß er vnd die feinen frey dauon ziehen möchten.

Nach dem nu dieſe ſachen alſo verrichtet/ vnd dieſe vorerwehnte Schloͤſſer gewon­nen vnnd eingenommen/ zogen die Fuͤrſten/ Graffen vnd Herrn wider anheim. Johan von Quitzaw aber ward gen Kalbe gefuͤhrt/ vnd daſelbſt vom Biſchoffe Guͤnthero zu Magdehurg wol vnd fleiſſig bewahret. Wuͤſterwitzus.

Im ſelben 44. Jar /am Sontage vor Aſſumptionis Mariæ, iſt Burggraff Fri­

derich von Nürnberg gen Coſtnitz auff das angeſtalte Concilium, dahin er denn ſonder­lichen beruffen vnd erfordert/ gezogen/ vnd hat in feinem abweſen Herrn Johanni von Biberſtein die Marck zu regieren befohlen. Am 27 tag deß Herbſtmonats iſt er zu Coſt­nis mit hundert vnd achtzig Pferden ankommen. Vnter jhm ſeind geweſen Otto vom Plemberg/ Freyherr/ Meinhard von Lauffen/ Ritter/ Johan von Lindaw/ Ritter/ Eh­renfried von Seckendorff/ Hanß von Sanßheim/ Otto von Schwenden/ Stelitz aus Poland/ Hank von Enſingen/ Wilhelm Fuchß/ Ritter/ Johan von Hilburg/ Hanß Raͤtzenberger/ Hanß Sachß/ ete. Der Graff von Ruppin iſt auch mit zwoͤlff Perſonen dahin gezogen. Item/ Biſchoff Johannes der vierdte zu Brandenburg iſt dahin kom­men mit ſieben Perſonen/ eben am ſelben tage. So hat auch der Naht von Franckfurt an der Oder jhre Legaten dahin abgefertiget. VVuſteruuitzius, Iuſtus, Marchia& Breuiarium Autoris. Munſterus ſetzt diß ins vorige) 4) 3. Jahr.

So bald aber der Herr Burggraff aus dem Lande gezogen/ hat Diedrich von Qui­tzaw die Stadt Nawen/ Dienſtages nach Aſsumtionis Mariæ/ augebrand/ eben zu der zeit/ da die arme Leute eingeerndtet/ vnd das Getreide in die Schewren gebracht hatten. VVulteruuitzius, Marchia& Breuiarium Autoris.

ij Weil

w 1—

va

—

wi

.

—————

wo. a ne, VPS ———